Queremos expresar o noso agradecemento a todas aquelas persoas que fixeron posible que levásemos a cabo este proxecto.

Comezando por Mónica Galiñanes, traballadora da Deputación Provincial de Pontevedra (e nai dun dos nosos alumnos), que foi que non proporcionou unha serie de libros, do Servizo de Arquivo e Publicacións da Deputación,  sobre os muíños de río en Galicia, que nos serviron de base e  punto de partida para comezar a nosa investigación.

Seguindo con Alejandro Búa, membro da Comunidade de montes da Devesa, que nos levou a coñecer os muíños de Daión, facendo de guía durante un roteiro moi agradable, no que mostrou o seu agarimo polo lugar.

Tamén a Xesusa Fernández, María Pérez Soto e Celia Pérez Soto, avóas dunhas das nosas alumnas, e a Susi , veciña do barrio da Devesa, que xenerosamente se prestaron a dar testemuña do vivido no tempo no que os muíños formaban parte da vida cotiá da xente.

Sen esquecer tamén ao muiñeiro da Froiseira, que tivo a amabilidade de abrir dito muíño e poñelo en funcionamento para que puidésemos ver a milagre da transformación do millo en fariña.

E por último, darlle as grazas ao IES de Ponte Caldelas por pensar en nós para facernos partícipes deste fermoso proxecto.

Moitas grazas a tod@s!!!!